Short Sharing
![Short sharing Short sharing](/sites/www.ampatigiribaptistchurch.com/files/styles/large/public/2023-02/Screenshot_20230215_165140_Microsoft_365_%28Office%29%5B1%5D.jpg?h=71a0997a&itok=N6y369Ui)
Luke 3:1-38.
Isol an.tangni pland ko ia a.gilsako chusokatna, Jisu Chistoni atchiana skangan, Isaia katchi nikgipani agansoa gita "Bakrao aganwatgipani kurang Gitelni ramako daksobo Uni re.aniko srongatbo" Isol Johan-ko watsoaha aro Jisuna ramako tarisoaha.
Johan Jordan jol gimikona re.ange gisik pile pap watako man.na baptize ka.atako man.na nanga ine aganprakaha aro baptize ka.ataha.
Na.simang gisik pil.chongmotaha ine an.tangni kamrangchi mesokbaa ine aganprakaha.
a) Na.simang chola sikgni gnangipa grigipana on.pachina.
b) Kajina gilgiparang tik kagiminna agre radranabe.
c) Sipairang pilakoba kamikketnabe aro tolpretnabe.
An.ching ba gisik pilnakrae namgipa kamrangko tangmesokna nanga.
Johan baptize ka.ako man.a re.bagipa manderangna Jisuni gimin agantalataniko on.aha. Angna bilakbatgipa re.baenga. Angade uni jakopni buduko engnamangba kraja.
"Uade na.simangko Gisik Rongtalgipao aro wa.alo baptize ka.atgen. Uo bebera.gipa sakantikon jokatgen, Indiba bebera.gijagipako noroko galgen.
Manderangko baptize ka.atmano Jisukoba ka.ataha. Uni bimitengo Salgirang oaha aro Gisik Rongtalgipa paroani bimangko uni kosakona ong.onbaaha aro salgioni kurang gambaaha.
"Na.an angni saksakamkam depante nango Anga katchabea"
Da.alo angni nangni kamrango Isol kusi ong.engama?
Hai an.ching Isolni namnika gita kamrangko kana.
Isol angkoba nangkoba aganchina nango Anga katchabea. Amen
by
P. Sangma, Deacon ABC